Aizawl District Magistrate Pu Vanlalngaihsaka hian tunlaia khawvel pumpuiin a buaipui mek Covid 19 leng mekin Aizawl District a thleng palh anih pawha a darh zau zel loh nan mipui punkhawm khapna thupek hi siam a nih thu a sawi a, CrPC 144 tlawhchhanin vantlang hmunah reng reng mi 5 aia tam awm khawm a khap a, thupek hian hri leng dona kawnga sorkar hmalakna bawhzuitute erawh a huam lo thung. Thupek hi April ni 10 thleng hman tur a ni.
Khawzawl District Magistrate Pu H.Lianzela pawhin COVID-19 hrileng mek laka Khawzawl District mipuite an him theihna turin Khawzawl District huamchhungah mi 10 aia tam punkhawm khapna thupek hi a ti chhuak a. Nimin lama mi 20 aia tam punkhawm khapna thupek chu thupek thar hian a luahlan a ni.
Khapna thupek hian Hospital/Medical emergencies lama thawktute, Dan leh thupek kengkawhtute, thihna emaw rikrum thil avanga abika phalna pekte bakah COVID-19 laka him theihna tura hnathawktute erawh a huam tel lo a ni.
