Health Minister Dr R Lalthangliana’n chanchinbumite a kawmna-a \awiawmtu Health Dept Principal Director Dr F Lallianhlira sawidanin, Lengpui \umhmuna lo thleng thar te hi vawiin a\ang khan ni 14 chung zel mahni in lama inkhung hrang tura tih an ni a ti a, hemi hmalam hian Covid-19 kai thei tura ngaih mi 153, mahni in lama inkhung hrang rih tura tih an lo awm tawh a, tuna ruahmanna tharah erawh thlawhna hmanga Mizoram lut zawng zawng inkhung hrang tura tih an nih dawn tak avang leh ni khatah mi 700 bawr vel thlawhna hmanga Mizorama lut an awm avangin inkhung hrang tura beisei hi an pung chho nasa hle dawn tihna a ni. Zawhna chhangin Health Dept Principal Director Dr F Lallianhlira hian inkhung hrang tura hriattir te vil zui dan tur hi duan mek a ni a ti. Hemi hmalama inkhung hrang tura lo tih tawh mi 153 te chu mumal taka vilzui an ni lo a ni.
Health Minister Dr R Lalthangliana chuan inkhung hrang tura tih ten sorkar thu an zawm loha hrem theihna tur dan chu duan mek a nih thu hemi hmalam hian a sawi a ni.
