Covid-19 laka Mizoram a him theihna tura sorkar hmalak meknaah khaw tin leh veng tinah village/local council task force din sorkarin a rel a, an hnathawh dan tur chu tun thla ni 25 ral hmaa peifel hman tum a ni.

Health Minister Dr R Lalthangliana hova Central YMA, Local Council, AMC, Health Dept leh UD&PA Dept aiawhte \hukhawmin he ruahmanna hi a siam a, Local Council leh VC tinah Task Force hi din a ni ang a, District tina bawrhsap te chu an huam chhunga task force-a tel te dinhmun kimchang tun thla ni 25 ral hmaa report kim tura beisei an ni. Task force hi Village Council President emaw, Local council Chairman emaw-in a ho ang a, Covid-19 laka mipuite an himna turin a \ul angin sorkar hmalakna an puibawm dawn a ni.