The Mizoram Epidemic Diseases (Covid-19) Regulations, 2020 tia vuah hmang hian, hrileng doletna kawngah sorkar kutke pawimawhte thuneihna pek an nih bakah mimal damdawiin te hnathawh dan turte pawh chiang zawka tarlan a ni a. Hri lennna hmun a\anga Mizorama lo lut, anmahni thua inkhung hrang \ha duh lo te tuih luihna hmanga khung hran theihna tur te, hri kai tawh nia hriat sorkar thu awi lo an awm a, chung mite chu tih luihna hmanga hmun him-a khung hran theihna tur thuneihna te he regulations hmang hian sorkar kutke pawimawhte hnenah pek a ni.
Regulations tih chhuah tak ang hian sorkar leh private damdawiin zawng zawngin COVID-19 vei nia rinhlelhte enna tur hmun bik an siam tur a ni a. COVID-19 vei hmuhchhuah emaw rinhlelh emaw an awm anih chuan Health Dept hotute an hriattir tur a ni.
A \ul a nih chuan District tin bawrhsap te’n an district pum huapin emaw, an district chhunga khawilai hmun bik emaw tlawh pawh theih loha khar emaw, lirthei tlan khapna siam ang chi te ti thei tura thuneihna pek an ni a, hetiang lam chi-a Mizoram pum huapa thupek siam ngai a awm anih chuan Chief Secretary thuneihna pek a ni a. Sorkar hnathawk leh sorkar thil te a \ul anga hman theihna thuneihna pawh Bawrhsapte kutah pek a ni.
COVID-19 hri lenna hmuna ni 28 kalta chhunga zinte chu Mizoram an luhin enfiahna, Screening an paltlang ngei tur a ni a, a dinhmun a zirin sorkarin mahni in khung hrang turin emaw, sorkar buatsaih inkhung hranna hmuna awm turin emaw an chungthu a rel thei dawn a. COVID-19 hri leng chungchanga thu dik lo leh belhchian dawl lo thehdarh pawh khap a ni bawk.
The Mizoram Epidemic Diseases (Covid-19) Regulations, 2020 bawhchhia te hi IPC Section 188 hmanga hrem theih an ni dawn a, hei hi thla 6 thleng lung in tan leh pawisa chawitira in hrem theihna a ni.
