Ningani-a Mizoram Sorkar-in thupek a tihchhuahah Group A leh B officer te chu dan pangngaia office kal vek tura tih an ni a, Hetihlai hian Health, Police, Home Guard, Civil Defense, Fire & Emergency services, Disaster Management, Civil Aviation, Prisons, Excise & Narcotics, Municipal Services, Forest Field Works, PHE leh P&E -a hnathawkte chu thawktu zawng zawng kal tura tih an ni. Department dang zawnga Group C & D staff te chu hmun thuma \hena hmun khat zel an in kal chhawk dawn a ni.
Sorkar thuchhuah danin, pawn lam ni phalna la hmasa lo chu Office chhunga luh phal a ni lo a, Office hnathawk hmuh duh neite chuan phone hmangin an hmuh duh te phalna an la phawt tur a ni.
Pisa tinte chu an kawtkaiah kut silna emaw hand sanitizer emaw dah tura tih an ni a. |ul bikah lo chuan meeting neih loh tur a ni a, Inrawn leh inbiak a \ul anih pawhin a theih chin chinah khawl hmang \angkai tura tih an ni. Department emaw office dangte nena indawr \ulna thilah chuan email emaw electronic media dang emaw hman hram tum tur a ni a. Mipuiin Sorkar Department te ralkhat a\anga an dawr theih na’n Department tinin Information Technology an hmang tangkai tur a ni a. Hemi atan hian a rang thei ang berin ICT Department puihnain kawng an dap tur a ni tih a ni.
