COVID-19 hri leng avanga Mizoramin harsatna a tawh mek laiin damlote tana thisen pe turin Association for Voluntary Blood Donation, Mizoram chuan kohhran thalai pawl hrang hrang, NSS volunteers leh tlawmngai pawl te a ngen a, an ngenna ngaipawimawha mi \hahnem takin thisen an pek avangin inkharkhikp chhungin thisen tlakchham awm lovin damlote mamawh thisen chu district hrang hrangah pek chhuah theih zel a ni tih an sawi.

Mizoram pumah April thla chhung khan a dawngtu tur hresa lova tlawmngaia thisen pek hi thisen pek tlingkhawm atanga za zela 96 a tling a, AVBD, blood bank-te leh pawl hrang hrangte ruahman anga inkharkhip lai, tun thla ni 14 thlenga Mizorama thisen pek zawng zawng chu unit 1,843 a tling a ni.

Inkharkhip hman a nih tan, March ni 25 a\anga tun thla ni 14 thleng khan Mizoramah mipa 1,533 leh hmeichhe 418-in thisen an pe a, Aizawlah chuan mipa 1,026 leh hmeichhe 172-in thisen unit 1,198 an pe a ni. Aizawl Civil Hospital leh Synod Hospital-ah unit 199 pek a ni.