Covid 19 hri leng avanga inkharkhipna kalpui mekah ran vulhtuten ran chaw-a harsatna an tawh lohna turin ran chaw quintal 680 vel AH&Vety Department-in a pe chhuak tawh.

AH & Vety Board in an hmalak dan an thlirletna-a sawilan a nih danin, ran chaw an pek chhuah te hi vawk chaw quintal 470, Ar chaw quintal 200 leh Bawngchaw quintal 9.5 a ni a, Arsa pawh Kg 3182 an pe chhuak tawh a, ranchaw leh arsa te hi Local Level Task Force te kaltlanga pek a ni.

Vety Minister Dr. K. Beichhua chuan, ran vulhtuten harsatna an tawh lohna turin thawktuten \an an la tih a sawi. An hmalak dan thlirletnaah hian Board Vice Chairman Pu C Lalmuanpuia MLA leh Dept hotu dangte an tel a ni.