Covid-19 hri len dan zirchiangtu Harvard scientist te chuan coronavirus leng titawp turin \um khat inkharkhip chauh a tawk lo va, damdawi in chimbuai lutuk tur ven nan 2022-ah pawh hun engemaw chen chu mipui inhlat (social distancing) kalpui a la ngai rih dawn tih an sawi.

Harvard team chuan an chanchinbuah Covid-19 hi coronavirus dangte anga hunbi neia hri leng, khaw vawh laia inkaichhawn awlsam bik niin an ngai a, mahse taksaa natna ral dotu a chak leh chak loh a zirin a sawi lawk vek theih loh a ni an ti.

Mipui inhlat (social distancing) \um khat neih a tawk lo tih an sawi a, thil pawimawh ber nia lang chu enkawlna rintlak awm hma chu social distancing kalpui chhunzawm a ni tih lead author Stephen Kissler chuan a sawi.

Enkawlna rintlak leh vaccine a awm hunah inkharkhip rei zawng leh khauh zawng chu a thlah dul theih ang a, a la awm hma chuan a khat tawka inkharkhip neih hian damdawi ina damlo khirkhan zual te enkawl nan hun \ha a siamsak thei dawn a, a leh lamah chuan inkharkhip nasat lutuk pawh thil \ha ber a ni chuang lo a ti bawk.

Covid-19 reh hun nghak tur hian taksaa natna raldotu(immunity) a chak tawk a rinawm loh tih Harvard team te chuan an sawi a, vaccine chu hrileng doletna \ha ber a ni an ti.