Covid 19 avanga Mizorama lo lut tur zin veivak leh nitin mamawh phurtute Vairengte check gate chhehvela enfiah an nih dan Central YMA Vigilance team ten vawiin khan an en a. Hemi hnua Kolasib District thuneitute nen an inbiakna bawhzuiin, zin veivakte enfiahna hmun hi tih len a ni.

Sceening hi hmunli-ah medical team in an nei nghal dawn a, team tinah hi Doctor pakhat in a ho zel dawn a ni. Venhim hna thawktu Police pawh tam zawk dah turin Central YMA Vigilance team hian thuneitute an ngen a, lirtheia tangkhang te pawh an awmna hmuna tlawhkuala an dinhmun enfiah hna mobile screening nei turin district thuneitute nen ruahmanna an siam a ni.
Central YMA vigillance team hi an secretary Pu HF Lalrinpuia’n a ho a, tun dinhmunah ei leh bar Mizoramah a lut \ha tih sawiin, mipuite chiai lo turin an chah a, sorkar hmalaknate \awiawm turin mipuite an sawm a ni.