Pathianni kha Italy-a ni khat thil thu-a coronavirus thihpui an tam ber ni a ni a, hemi avang hian Europe ram sorkarte chu khauh lehzual a khuahkhirhna kengkawh tura tih an ni.
Italy ah hian COVID-19 avanga thi mi 368 atangin mi 1809 ah an pung chho a, hei hi China ram pawna thihpui tawh chhinchhiah zawng zawng zatve aiin a tam tawh a ni.
Italy hmar lam hruaituten damlo khum leh thawkna \anpuitu khawl artificial respirators an tlakchham thu an sawi avangin Vatican chuan Easter lawmna chu \hulh a nih thu a puang a ni.
Hetihlai hian, Pope Francis chuan Coronavirus vanga tuar mek te tana Rome biakin pakhata \awngtai turin Pathianni khan Vatican City chu ke in a chhuahsan bawk a ni.
Europe khawmualpui ah mi sanghnih chuangin coronavirus hi an thihpui tawh a ni.
