Kashmir-a thi hi kum 65 mi, Hyderpora khuaa cheng a ni a, a positive tih an hmuh chhuah a\anga a ni thumnaah a thi nia sawi a ni a, Srinagar mayor, Junaid Azim Mattu chuan Covid-19 vanga an State-a thi hmasa ber chu a lainat thu sawiin, a chhungte a tawrhpui tih a sawi a, a enkawltu, Chest Disease Hospital-a thawk doctor te huaisenna leh an thawhrimna fakawm a tih thu a sawi.
Jammu & Kashmir-ah hian mi 11 Covid-19 vei an awm tawh a, ram dang mi 5,124 leh heng mite nena inkungkaihna nei mi engemawzat rinhlelh an awm a, an zinga mi 3,061 te chu anmahni in \heuha inkhung hrang tura tih an ni a, midang 80 te chu damdawi inah dah hran an ni. Mi 1,477 chu anmahni in \heuhah enthlak mek an ni bawk.
Maharashtra-ah chuan nu pakhat tun thla ni 24, Thawhlehnia a positive tih hriat chhuah chu vawiin khan a thi tih health lam thuneituten an sawi a, Maharashtra-a Covid-19 vanga thihpui zat chu mi 4 an tling tawh a ni. Maharashtra-ah hian mi pakhat chu damdawi ina enkawl a nih hnuah dam takin a chhuak leh tawh a ni.
Union Health Ministry tarlan ram pumah Covid-19 vei zat chu mi 649 an tling tawh a, mi 13 an thi tawh tih a tarlang a, chung zingah chuan mi 42 enkawl dam an ni tawh a, virus kai pakhat ramdangmi chu an ramah thawn let a ni bawk.
