Sorkarin an hna a\anga a ban zingah hian Hubei-a health commission secretary, Zhang Jin leh Hubei Provincial Health Commission director, Ling Yingzi te pawh an tel a, heng mite hi coronavirus natna veite an enkawl danah dawngdah-a puh an nih vangin an hna a\ang hian an chawlhtir a ni.
China President, Xi Jinping-a’n Thawh\anni khan Beijing-a damdawi in te a tlawh a, an ramin harsatna khirh tak a tawh mek chu an hneh thei a ni tih mipuite hrilhin, amaherawhchu, an harsatna tawh chu a la zual zel thei a, fimkhur leh invenhimna tih \hat tluk a awm lo tih a sawi.
China-ah hian coronavirus vangin 108 an thih belh leh a, an vaiin mi 1,016-in an thihpui tawh a ni. Hetihlai hian Hubei health commission chuan Thawh\anni thlenga kai an finfiah tawh zat chu mi 2,097-in an pung leh tih a puang a, ni danga kai thar zat aiin Thawh\annia kai thar an finfiah zat chu a kiam hret a ni.
Beijing chuan damlo mi sing 4 chuangte enkawlnaah theihtawp chhuahin hma a la chho zela, World Health Organization chuan thunun theih loh khawpa a awm hmaa coronovirus chu tihbo a nih theih nan \an la turin China sorkar a ngen a ni.
Coronavirus kai tawh zawng zawng mi 40,490 zingah mi 3,281 vel an dam tawh a, 10,16-in an thihpui tawh a, a pumpuia chhutin thihpui zat chu za zela pahnih a tling ni.
Tun thla ni 7-a Journal of American Medical Association-in a tarlan danin coronavirus kai zinga mi 138 te nat dan an zirchiannaah khawsik te, chauhna te, hul tak taka khuh te chu an nat dan tlangpui a ni a, mi \henkhatah tihrawl na leh thawk lama harsatna te a thlen a, kai zinga za zela 10-ah chuan luak leh kaw\halo te pawhin he natna hi a lang chhuak a ni.
JAMA zirchiannaah chuan he natna hi a lang chhuak vat lo va, zawi muangin taksaah hna a thawk a, pneuomonia an man deuh zel bawk a ni.
China-ah hian coronavirus kai tawh te chu a tlangpuiin kum upa lam, diabetes nei leh BP sang nei te an ni a, naupang lamah kai hriat tur an awm mang lo niin JAMA chuan a tarlang bawk.
He natna hi SARS natna 2002 kuma China a\ang veka \aidarh nen khan a inkungkaih a, hritlang anga lang chhuak hmasa-in a kai tawh damlo chuan a khuhin emaw a hahchhiau-in emaw he natna hi a tidarh thei a, pawn boruak bawlhlawh a\angin a kai chhawn theih bawk a ni.
