Foreign Ministry thupuangtu Anurag Srivastava chuan hri leng kara harsatna tawk ramte dinhmun ngaihtuahin sorkar chuan paracetamol leh Hydroxy-chloroquine te khuahkhirhna chu thlah dulin ram \henawm, India-a innghatte tan zuah a ni dawn tih a sawia, heng damdawi mamawh zualpuite hi Coronavirus-in a tihbuai ramah te pawh thawn chhuah tum a ni a ti bawk.
Foreign Ministry chuan Covid-19 leng mekah India chuan ram dangte nena chak taka hmalak a duh a, ramdangte nena inkungkaihna leh thawhhona \ha nei zel turin \an a la a ni a ti a, amaherawhchu, hydroxy-chloroquine leh paracetamol chu siam khawl sa a tam dan a zirin ram chhung state hrang hrang hman tur dah a nih hnuah ram dangah chuan thawn chhuah a ni chauh ang tih a sawi bawk.
Foreign Ministry chuan paracetamol leh hydroxy-chloroquine chu licenced huang chhungah dah a ni dawn tih sawiin, ram chhung leh \henawm ramte mamawh dan chu en zui reng a ni dawn tih a sawi bawk.
March ni 25 khan sorkar chuan hydroxy-chloroquine thawn chhuahah khuahkhirhna a siam a, \anpui ngaite \anpuina kawngah an mamawh dan ang zela a tlachawpa sem chhuah turin a ti a ni. Hydroxy-chloroquine hi malaria damdawi a ni a, coronavirus kaite enkawl nan enchhin a lo ni tawh a ni.
Hemi hmalam hian US President Donald Trump chuan hydroxy-chloroquine India-in a thawn duh loh chuan a thungrulh ve tur thu a sawi a, he damdawi hi Coronavirus kaite enkawl nan a tlak em tih erawh nemngheh a la ni lo a ni.
