Ramri venna kaihhnawiha nunna chan ta, Pu Lalpianvula, Zawlnuam Borai, Nl H Lalvenmawii Sangau leh Nelson K Beizachhi, Khopai te ralna sum hi Aizawl khawpui chhunga Branch YMA hrang hrangin an hming hmerha Central YMA kuta an hlan khawm a ni a.
Tangkafai tlingkhawm hi a vaiin cheng nuai 1 sing 2 sang 9300 a ni a, CYLA gen hqrs., MTP gen hqrs leh Langkaih Group YMA te account theuhah ralna tur sum hi thawn a ni a, Nl. H Lalvenmawii ralna sum tlingkhawm hi cheng sing 6 sang 3800 a ni a, CYMA ralna cheng sing 1 nen a vaiin cheng sing 7 sang 3800 a ni.
Nelson K Beizachhi ralna sum tlingkhawm hi cheng sing 2 a ni a, CYMA ralna cheng sing 1 nen a vaiin cheng sing 3 a ni a,
Pu Lalpianvula ralna tlingkhawm hi cheng sing 2 sang 5500 a ni a, CYMA cheng sing 1 in a lo ral tawh bawk a ni.
