Coronavirus lanchhuahna hmun China-a Wuhan khawpuiah chuan hri leng vanga thi zat an thlirletnaah mitthi 1,290 chu za zela 50-in a pung a, mitthi zawng zawng chu mi 3,869 an tling tih hriat a ni.

China foreign ministry chuan mitthi chhinchhiah zat ennawn leh mipuite hriat tura mitthi zat puan chhuah sorkarin a zep \hen nia sawi chu a pha a ni.

Wuhan-a mitthi chhinchhiah zat a pun tak avang hian China ram puma mitthi chhinchhiah zat pawh za zela 39-in a danglam a ni.

British Foreign Secretary Dominic Raab chuan Coronavirus darh chak dan leh rang taka hrileng an umbo ve theih loh chhan China zawh \ul a tih thu a sawi a, France President, Emmanuel Macron chuan China-in khawvel puma hrileng a do dan chu mak a tih thu leh an hriat ve loh thil thleng engemaw tak awma a rin thu a sawi a ni.