Hetihlai hian Japan lawngchawlhna pakhata khualzinte intawllenna lawng pakhat cruise liner chawl mekah erawh mi 44 in an kai thar a, he lawnga chuang mi 218 in an kai ta tihna a ni.
Coronovirus hian thihna thlen em lovin na taka dam lohna a thlen \an ta zawk tih WHO chuan a sawi bawk a, China-ah hian report tharlam berah thihpui mi 121 an awm belh leh a, heng mite nen hian mi 1380 in an thihpui tawh a ni.
He natna kai hmuh chhuah zat erawh nasa takin an pung chho thung a, mi 55,748 in an kai tih finfiah tawh a ni. Hubei ah bik hian kai thar 4823 an awm a, mi 116 in an thihpui a, hei hi a hmaa ni khata thihpui zat 240 aiin a tlahniam hret a, chhinchhiahna hmasaah chuan kai thar zat pawh 15,000 an tling a ni.
China ram pawn lamah chuan ram hrang hrang 24 ah he hrileng kai hi 447 hmuh an ni tawh a, mi pahnih chauhin an la thihpui a ni. Japan ah chuan he hrileng thihpui hmasa ber chu hmeichhe pakhat kum 80 vel mi, Tokyo chhim thlang lam Kanagawa-a cheng a ni a, a thih hnuah coronavirus a kai tih hi finfiah a ni.
US State Dept chuan he hrilengin North Korea a nghawng a hlauhthawn thu a sawi a, North Korea-ah hian he hrileng kai an awm thu sawi a la awm lo thung.
Japan Yokohama lawngchawlhna-a chawl mek, lawng lian pakhata coronavirus kai tam \hahnem tak hmuh chhuahte hi khawmualah hruai chhuakin damdawi in-ah enkawl an ni a, lawng chhungah hian mi 3,700 vel an chuang a, an vaiin enfiah an la ni lo a, damlo, damdawiin panpui tih loh midangte hi lawng chhungah hian la khung hran mek an ni a, kum 80 chin chunglam, hrileng an kai lo tih finfiahte chu lawng a\ang hian chhuahtir an ni dawn tih Japan sorkar chuan a sawi.
