Coronavirus kai enkawl dam tawh, UK Prime Minister, Boris Johnson chuan a dam hnua pisa a kai ni hmasa berah mipuite hnenah thuchah a sawi a, tun dinhmunah inkharkhipna hlih chu a la hun lo a ni a ti a, hri leng a darh nawn chuan tun aia chhiatna nasa zawk a thleng thei a ni a ti.

Boris Johnson chuan hri leng thawh hnihna a thleng dawn lo tih hriat chian a nih hunah sorkar chuan inkharkhip chu thlahdul chauh se a duh tih a sawi a, an ram chuan hma a sawn chho zel a, NHS-a damlo inhnawhtawt lutuk pawhin ziaawm lam a pan tawh a, hei hian hri leng inkardarh san hun lai ber an kalpel tawh tih a lantir a ni a ti a, a pisa rei tak a luah theih loh avangin mipuite hriatthiamna a dil bawk a ni.