Coronavirus kai enkawl dam hnuhnung ber, DCHC, District Hospital, Kolasiba enkawl mek chu RT-PCR test nawnna result-ah a Negative tih hriat a ni tawh tih Kolasib bawrhsap hian vawiin tlai khan a sawi a, naktukah chhuahtir a ni ang.
Counter-Insurgency and Jungle Warfare School (CIJWS), Vairengte-a an hotu, Commandant Maj. Gen. Ajai Verma nen sipai Quarantine leh sample test neih dan tur chungchang an sawidun thu Kolasib bawrhsap hian a sawi a,
CIJWS in tun a Quarantine Centre-a an hman mek hmunhmate chu Mizoram sorkar enkawl Quarantine Centre anga enkawl zui tur a ni ang a, ei leh in an intum thung dawn a ni.
CIJWS Management Team leh CMO, Kolasib te tangkawpin sample an la thin ang a, Sub-Divisional Magistrate in a vilpui thin dawn bawk a ni.
Dr H Lalthlangliana chuan Kolasib district Government Quarantine Centre-ah mi 157 an awm mek tih a sawi a, ramri kana bungraw phur motor khalhtute sample 36 laksak tawh te RT-PCR result a la Negative zel tih a sawi bakah, motor khalhtute chu Rapid Antigen Test neihtir vek turin ruahmanna siam a nih thu a sawi bawk.
