US hian nimin bikah chauh khan mi 800 chuangin an thih phah tih a sawi a, hengte nen hian mi 4000 velin an thihpui tawh tihna a ni. Inrini ah khan US-a thihpui tawh zat hi 2010 an ni a, ni hnih lekah a let aia tamin a pung chho a, thi zinga zaa 40 aia tam chu New York-a cheng an ni tih Johns Hopkins chuan a chhin chhiah a ni.
Spain, United Kingdom leh France ah te pawh ni khata thihpui an tam ber \um a thleng chho bawk. Virus len \anna Chinaah chuan mi 3282 in an thihpui a ni.
US President office, White house-a sawi hona, briefing-a sawi chhuah anih danin tuna mipui punkhawm khapna thupek kenkawh mek chu kalpui zel a nih pawhin he virus hi mi sing 1 a\anga sing 2 sang 4 velin an thihpui tho dawn niin a lang a, mipui punkhawm khapna thupek siam ni lo phei se’ng mi nuai 15 a\anga nuai 25 laiin an thihpui thei dawn nia ngaih a ni.
