Coronavirus hri leng doletna kawnga thawktute chu ram himna tura beitu sipaite nen an danglam lo tih Delhi Chief Minister Arvind Kejriwal-a’n a sawi a, Damdawi lam thawktute zingah Covid-19 an dona-a thih phah an awm chuan an chhungte cheng vbc 1 pek an ni dawn tih a puang.

Indo laiin sipaiin a ram venghim turin thih pawh huamin a bei \hin a, chutiang chiah chuan damdawi lam thiamte pawhin thih huamin hril leng mek an dolet a ni tih Arvind Kejriwal hian a sawi a, damdawi lam thawktu, health worker, sanitation worker, dcotor emaw nurse emaw tu pawh covid-19 vanga damlo enkawltu chu vanduai thlak taka a lo martar a nih chuan an chhungte cheng vbc 1 pek an ni ang a ti a, hei hian sorkar hnuaia thawk an ni emaw, mimal hnuaia thawk an ni emaw a huam vek dawn a ni a ti.