A damdawi mumal tak leh invenna, vaccine hmuh chhuah a la nih loh avangin coronavirus hi khawvel pumah thihpui an pung zel a, America doctor leh scientist te chuan theihtawp chhuahin a damdawi tur an zirchiang mek tih Trump-ahian a sawi a, hun rei lote-ah hlawhtlinna an hmuh a beisei tih a sawi.
Chanchinbumite zawhna chhangin Vice President Mike Pence chuan sikserh damdawi hydroxychloroquine chu US-a hmun paliah enchhin mek a ni tih a sawi.
US President Donald Trump-a’n India prime minister Narendra Modi a biak hnuah Hydroxychloroquine siam chhuaktu lian ber India chuan he damdawi hi ram danga thawn chhuah a remti tawh a ni.
