Thawh\anni-a Chief Minister hova Cabinet minister te leh sorkar mipawimawhte \hukhawmin ramdang nena inrina, International Border te khar rih tur leh State dang te nena inkal pawhna kawngpuia khuahkhirhna siam dan tur a rel hnuah Home Dept hian ramri hawn hun tur leh khar hun tur hi vawiin khan thuchhuah siamin a puangzar a. Myanmar nena inkalpawhna Zokhawthar leh Bangladesh nena inrina Kawrpuichhuah te chu zing dar 9 leh tlai dar 5 inkar hawn tur a ni.
Hei bakah hian Tripura nena inkal pawhna Kanhmun Manipur nena inkal pawhna Khawkawn kai te pawh zing dar 9:00 atanga tlai dar 5:00 thleng hawn a ni ang a. Check Post paltlang tum khualzin zawng zawngte chu uluk taka endik an ni ang a. Endik hnua kaltlang phalna lehkha pekte chauh Check Post kaltlangtir an ni ang a. Phalna neite hi Check Post khar a nih hnu ah pawh kaltlang phalsak an ni ang.
Assam nena inkal pawhna Bairabi leh Vairengte-a Check Gate te chu hun rei deuh zawk zing dar 6:00 atanga zan dar 10:00 thleng hawn a ni ang a. Check Gaten paltlang tum bungrua leh khualzin zawng zawngte uluk taka endik an ni ang. Endik hnu a kaltlang phalna lehkha pekte chauh Check Gate kaltlang phalsak an ni ang a. Phalna neite hi Check Gate khar a nih hnu ah pawh kaltlang phalsak an ni dawn bawk.
Heng inkalpawhna kawngpui bak ramdang nena inrina emaw, state dang nena inrina emaw-a khan dang reng reng chu dangping turin District thuneitute hriattir an ni a, ram pawn atanga mihring lut tur dang turin heng hmunah te hian darkar 24 chhung police an duty dawn a ni.
He thupek hi thu leh awm hma chuan khauh taka zawm tur a ni tih Home Dept thuchhuah chuan a sawi.
