WhatsApp hmanga thu dik lo thehdarhtu mi 11 te hi IPC Section 505 clause 1 (b) tlawh chhana thubuai siamsak an ni a, hei hi mipui tih chiai tuma thu dik lo thehdarhtute hremna dan a ni a, thiam loh chantir an nih chuan kum 3 thleng lungin tantir leh pawisa chawitira hrem theihna a ni.
Mizoram Police thuchhuah tarlan danin, COVID-19 hri leng mek vanga mipuite thlabar taka an awm laiin tun thla ni 9 khan Whatsapp-ah, COVID-19 kai finfiah pakhat Aizawlah a awm tih leh, ‘ITI Vengah COVID-19 rinhlelh awm anga thehdarh a ni a. He thu thehdarh hian mipui a ti thlabar zual tih Police te chuan an sawi a, Police ten an chhui chian hnuah COVID-19 vei nia an sawi hi hmeichhia kum 31 mi, tun thla ni 2-a Singapore a\anga lo haw a ni a, Mizorama alo haw kawngah Kolkata leh Lengpui Airport-ah endik a ni a, buaina nei lova he natna lanchhuah dan nia sawi hritlang leh awmna pawh nei lo mah se, khaw chhak lam a\anga lo haw a nih avangin Doctor-ten enfiah an duh a, chutih chhung chuan amah pawh pawn chhuak rih lo turin thurawn an pe a. Hemi avang hian Coronavirus hi a kai tihna a nih loh thu leh a zinna hmun avanga endik ngai nia hriat a nih vang chauh a ni, an ti.
Whatsapp-a thu dik lo post-tu leh post chhâwngtu mi 11 te chu Police te hian an chhui chhuak nghal a, midang inhnamhnawihte pawh an chhui zui mek tih Police te chuan an sawi.
