Coronavirus chungchangah District Hospital Hnahthial in Hnahthial khaw chhunga veng hrang hrang bakah Hnahthial chhehvel khaw hrang hrangah vawiin khan mipuite an him theihna tura zirtirna, Awarness Campaign an nei a, Hnahthial Damdawi In a Doctor leh thawktu dangte chu khua leh veng hrang hrangah insem darhin mipuite an zirtir a ni.

Damdawi lam thiamte chuan kalkawmte chu Coronavirus laka an him theih nan an kut fai taka a zing thei ang ber sil \hin tur leh Puipunnaah kal tlem tur tein an chah a, Khuh leh hahchhiau in hnar leh ka te chu puan emaw rawmawl in emaw hup thin turin an hrilh a, khawsik, khuh leh thawhah neite chu a rang thei ang bera Damdawi In pan turin an hrilh a ni.

Hnahthial District Level Task Force chu an Chairman, District bawrhsap Pu Vanlalmawia hovin an thukhawm bawk a, bawrhsap chuan Hnahthial District chhunga khaw engemawzat chu Myanmar ramri hnaihah a awm avangin mipuite an fimkhur a \ul tih a sawi a, mithiamten mipuite himna tura invendan an sawi te leh sorkar ruahmanna siamte \ha taka an zawm a \ul a ni a ti

Hnahthial District chhunga ramdangmi awm zawng zawngte chu tun thla ni 15 hmain Superintendent of Police (SP) Office Hnahthial-ah in report vek turin District Level Task Force hian a ti a, Coronavirus chungchangah mipuite ti chiai thei thil thehdarh lo turin mipuite an hriattir a ni.