Heng China a\anga hruai chhuahte hi central Poltava bial-a Novi Sanzhary hmun panpui an ni a, hetah hian ni 14 chhung khung hran tum an ni a, hemi duh lo hian mi \henkhat pungkhawm chuan hruai chhuahte chuanna bus hi an lo bei a ni.
President Volodymyr Zelensky chuan lungawi lohna lantirtute hi zahngaihna leh khawngaihna lantir turin a ngen a, Ukraine Security Service chuan email dik lo thehdarhah heng China a\anga hruai chhuahte hian virus an kai ni awma tarlan a ni tih an sawi a, Police te chuan thu diklo thehdarhtu hi an chhui zui mek a ni.
Ukraine ah hian Coronavirus kai finfiah an la awm lo a, Ukraine Health Minister Zoryana Skaletska chuan China a\anga hruai chhuahte chu a lainat tih lantir nan khung hran an nihna hmunah hian awmpui a tum tih a sawi.
Ukraine mi 45 leh ramdang mi 27 te chu Wuhan a\angin phurh chhuah an ni a, Kharkiv ah hruai thlen an ni a, an chuanna bus paruk chu mipui pungkhawmte hian lung leh hmanraw dang hmang te in an lo bei a ni.
