Pu Zoramthanga hian Dr John Sailo Ryntathiang leh a chhungte tana Meghalaya sorkar hmalakna-ah Conrad Sangma hi lawm thu a hrilh a, a duhthusam anga a ruang phum theih a ni ta lo erawh vanduaithlak a tih thu hrilhin, social media lama amah leh a chhungten beihzui an tawk chuan, covid-19 chungchang inzirtir nasat a la \ul hle tih a lantir a ni a ti a, Dr John Sailo ruang lawm taka lo pawmtu, Riatsamthiah Shillong Presbyterian Kohhran leh a vela cheng mipuite chungah lawmthu a sawi tih Conrad Sangma hi a hrilh a ni.
Pu Zoramthanga hian Shillong ah mizo zirlai te, hnathawka awm mek te leh cheng nghet \hahnem tak an awm tih Conrad Sangma hi a hrilh a, an himna tur te, leh ei leh bara harsatna an tawh lohna tur leh an mamawh dangte ngaihtuah sak turin a ngen a, hetiang bawk hian Meghalaya leh state sang mi Mizorama awm mek te chu Mizoram sorkar in a \ul apiangah a \anpui dawn tih a hrilh a ni.
