Boris chuan nitin khawsakna mamawh zawrhna dawr tih loh chu dawr engmah hawng lo tur leh mipuite chu in chhuahsan lova inkhung tlat turin a hriattir a, a thu chhuahte zawm lo chu hrem an ni dawn tih a sawi.
UK-ah hian mi 52 chuang an thih belh leh a, thi tawh zawng zawng chu mi 335 an tling tawh a ni. Hetihlai hian UK khualehtui New Zealand-a tangkhangte chuan inthurualin an ram hruaitute \anpuina an lo ngen ve mek bawk a ni.
UK khuahkhirhna thar hi kar thum hnuah thlirlet a ni ang a, coronavirus \aidarh zelin ziaawm lam a pan chuan thlahdul a ni ang.
US-a State tam tak an inkharkhip laiin US President, Donald Trump chuan US-a sumdawnna te chu dan pangngaia an kal leh thuai a beisei tih a sawi a, hetihlai hian airlines tam zawkte chuan khualzin phur thlawhna te chu chawlhtir tumin an hmakhua mek a, hemi hmalam hian US sorkar chuan airlines te chu an thlawhna service tir tawh lo turin ngen an tum mek bawk a ni.
China-ah pawh kai thar mi 78 an awm belh a, chung zinga 74 te chu ram dang a\anga China-a kalte an ni a, hetihlai hian Coronavirus len \anna Wuhan khawpui khuahkhirhna chu thla tharah hlih tum a ni.
Myanmar-ah pawh mi 2-in an kai tawh a, Senegal leh Ivory Coast-ah chuan state of emergency puan a ni a, kar kalta Ningani-a Sydney lawng chawlhhmuna chawl khualzin phur lawnga chuang pakhat chu Covid-19 vangin a thi a ni.
