Sorkar laipui thurawn bawhzuiin, Mizoram sorkar-a General Administration Dept chuan he thupek hi a ti chhuak a, Group B, C leh D te zinga a zatve in nitin pisa an kai ang a, a zatve dang chuan an in lam a\angin an hna an thawk ang a, ruahmanna hi Dept tin hotuten an siam tur a ni a, hapta khatnaah hian pisa hnaivai deuha cheng, kal harsa lo te leh mahni lirthei hmanga pisa kai \hin te thlang chhuak turin Dept hotute chu thurawn pek an ni.
Pisa kai lova, mahni in lam a\anga hnathawk tura tih te hi engtiklai pawha telephone hmang emaw electronic hmanraw dang emawa biak pawh theiha awm tura hriattir an ni a, hna pawimawh bikah chuan pisa kal thei tura inring tura hriattir an ni bawk.
He thupek hian mipui mamawh zual bika thawktu, Power and Electricity, PHE, Supply, Health, Excise and Narcotics Dept hnuaia thawktute leh rikrum thila chet chhuah ngai ang chi Fire and Emergency Services leh traffic police lam te, dan leh thupek kengkawhtu leh Covid-19 dona kawnga thawktute a huam dawn lo a ni.
