He thu hi vawiina Mizoram Apex Handloom and Handicraft Cooperative Society Ltd. Annual General Assembly vawi 41-na Babutlanga Archive Hall-a neih a hmanpuinaah sawiin, State Level-a Society hrang hrang awmte chu an hmalaknaah Mizoram leh mipuite tan an tih theih tih an hriat a ngai tih sawiin, an hmalaknaah hlawk tura \anlak chu an thil tum pakhat ni bawk mah se, Society Movement an hlamchhiah thiang lo tih hre turin a chah a ni. Pu C. Lalrinsanga chuan, MAHCO hmalakna pakhat puan tah leh a kaihhnawih chu Society Movement a nih rualin, a huam a zau hle a, khualzin hipna hmanrua a nih bakah hnam nun chawikanna a nih tel avangin a pawimawh hle a ni, a ti a. Hemi kawnga \an an lak rual hian kut themthiamna, Handicraft lamah pawh nasa lehzual \anlak a ngai a, an Society hnuaia awmte tan sorkar hnathawkte awt lo tur khawpa \anlak a \ul a ni, a ti. Cooperation Minister chuan, an sorkar hmasak khan MULCO-in an bawnghnute hralhban tih ngaihna an hriat lohte hmang \angkai turin theihtawp an chhuah a, chutah hian bawnghnute a\anga thil siam theih chi hrang hrang bul\an niin, tunah chuan hlawhtlinna sang tak an chang tawh a ni, a ti a. Hetiang bawk hian Pigfed lamah nasa lehzual \anlak tum niin, Aizawl khawpui chu Vawk leh Ar hmanga a intodelh theih nan \anlak tum a nih thu a sawi.
He inkhawm hi MAHCO Chairman, Dr. Zohmangaiha’n a kaihruai a, Cooperation Secretary, Pu JP Agarwal pawhin, Cooperation hmalakna chu ram sum leh pai dinhmun siam\hatna a nih piah lamah hnathawh tur siamtu a nih avangin a pawimawh a, nasa lehzual \anlak zel a \ul tih a sawi. MAHCO hian sorkar kum kal mek 2019-20 chhungin Rs. nuai 30,440,000 hmuh an beisei a, sum hman tur ruahman chu Rs. 20,314,500 niin, an hlawkna chu Rs. 10,125,500 tling tura beisei a ni.
