He inkhawma thusawiin Pu C. Lalrinsanga chuan tun hma a\anga Silchar leh a chheh vela sumdawng \henkhatin Mizoram sawhthing man an thunun \hin zuankhum zawnga hmalak a ni chu thil lawmawm tak a ni tih a sawi a, Mizorama Sawhthing leitu Mizoram Cooperative Apex Bank Ltd. chu dan hnuaiah hetianga sawhthing lei tur ni chiah lo mah se, an hmalak chu Zoram mipui, a bikin kuthnathawktute ham\hatna tur a nih avangin an hmalakna chu chhunzawm zel tura chahin, harsatna an tawk a nih pawhin an hmaah a ding tlat dawn niin a sawi a, a \ul a nih chuan Price Support pek dan thlenga ngaihtuah a la nih tur thu Pu C. Lalrinsanga chuan a sawi a ni.
Hemi puala inkhawm hi Mizoram Cooperative Apex Bank Ltd. Chiarman, Pi T. Lalmuanpuii’n a kaihruai a ni. Mizoram Agricultural Marketing Solution hi Mizoram Cooperative Apex Bank Ltd. hnuaia sawhthing lei tura kum 2016 September ni 26-a Partnership Firm anga din a ni a, nikum chhung khan sawhthing hi Rs. nuai 167 chuang man an lei a ni. MAMSol hian Sawhthing hralh lehnaah Siliguri-a Patel Ginger & Co. an thawhpui a, sawhthing an reng reng hi International Market-a sawhthing rate zir zela lei niin, tunah hian Kg. khat Rs. 30 velin an lei mek a, sawhthing hralh tur nei tan Rangvalmuala Ch. Chhunga Truck Terminal-ah engtiklai pawn hralh theih reng a ni.
