Hemi rual hian khaw hrang hrang harsatna tawh leh an mamawh te a en nghal a ni. Biate khuaa vantlang inkhawmah thusawiin Pi Vanlalawmpuii Chawngthu chuan tuna Mizoram Congress sorkar hnuaiah hna chi hrang hrang a hniam ber thlenga laknaah dan angin thil dik taka tih \hin niin a sawi a, sorkarin permit pe chhuaka a duhte tana zu zawrh a remtih nachhan chu loh theih lohna avang nia sawiin, tuna zu zawrh phalna dan hman hi a \ha lo zawk a nih chuan sorkarin a titawp leh mai dawn a, tunah hian thil awmdan chhuichian mek niin a sawi a ni. Mizoram Assembly inthlanna reilotea neih tura an party candidate chu thuneitute’n an la ruat felloh thu sawiin, Candidate siam dan tur chungchangah thudiklo a leng nasa niin a sawia, an hotu ten a dinna tur bial thlantir dawn se chuan Hrangturzo bial thlan a duh tih a sawi bawk.
