Kum 17 zet MLTP Act hnuaiah zu khap burna dan hman a nih chhungin zu a hluar em em reng tho a, zu chhe in vanga thi pawh an tam hle niin Pu Lallianchhunga chuan a sawi a, Mizoram chakkhai lakna ber Assam-a Lailapur leh Bhaga-a zu dawrte chu Mizoten an dawr tam \hin hle a, kal dan pangngai chu thlak a ngai tih mi tam tak ngaih dan a nih avangin Congress kaihhruai Sorkar chuan kum 2015 March a\angin dan thar a hmang ta niin a sawi. Pu Lallianchhunga chuan, zu zawrh chungchanga Excise Minister hlui, Pu R. Lalzirliana \awngkam chuan an party hotute kha a tichih a, zu zawrh chungchangah ngaihdan felfai tak a awm theih nana MLPC Study Group din a ni chungchangah pawh MLPC Study Group an party, MPCC OB leh Congress Legislature Party- te inrawn khawmna neih tura tih pawh hmalakzui a ni ta lo niin a sawi.
Pu Lallianchhunga chuan MLPC Act chu kum 3 vel chauh hman a la ni a, enthlak mek a nih avangin \ha tih vanga zawrh a ni lo a, a \ha lo rau rau zingah a \ha deuh zawk anga kalpui tumna mai a ni a ti a. Zu chungchangah hian nasa taka \awng\aitu Kohhrante an zah em em nia sawiin, Mizo Kristian te’n Kohhran an zah loh chuan zah tur dang an nei lo tih chu an dinna niin a sawi a. Excise Minister hlui, Kohhran kan rawn dawn lo titu Pu R.Lalzirliana \awngkam avanga rilruna Kohhran mipuite hnenah ngaihdam an dil tih a sawi. Zu chungchanga Congress party ngaihdan Chief Minister thuchah siam chu Pu Lallianchhunga hian chanchinbumite hmaah a chhiar chhuak bawk a ni.
