Hri leng dona leh venna tura inbuatsaih kawngah Chief Minister, Finance changtu ni bawk, Pu Zoramthanga’n sum a tam thu leh sum limit a awm loh tur thu mipui hmaah a puang chungin tun thla ni 16 khan Health Minister, Dr. R. Lalthangliana chuan Mizorama Sorkar leh private Hospital-a hmanrua an neihte thlirin Covid-19 vei tam zawk enkawl a zuamawm loh thu leh ZMC-ah pawh ICU khum 7 chauh an neih thu a sawi a ni an ti a, damlo pakhat enkawl pawh a buaithlak a, doctor leh thawktu dangte enkawlna senso a hautak thu a sawi chuan zoram mipuite a thlamuan lo hle a ni, an ti.
MPYCC hian, Health Minister Dr. Thangtea chu Chief Minister in a tul anga che thei lo turin a hrek em ni tih leh tun thlenga Chief Minister-in ZMC a la tlawh lo chu tlangkam titi-a Health Minister nen an inkarah khi a awm nia sawi vang a ni thei em tih chu an zawhna a nih thu an sawi a. Mipuite thlamuan zawnga sorkar inbuatsaihna puanzar anih theih nan theihtawp chhuah turin Sorkar an phut tih Congress thalai hian an sawi.
