Hemi chungchanga Congress \halai thuchhuah chuan, Education Department hnuaia RMSA leh SSA zirtirtu leh hnathawktu dang mi 3452 te hlawh chu tunhnai khan Central sorkar chuan nasa takin a rawn tihniam tih sawiin, sum leh pai indaihlohna karah Mizoram sorkar chuan zirna bakah RMSA leh SSA policy pawimawhzia an hriat avangin an hlawh ngai ang pe tura thutlukna a siam chu Congress \halai chuan ropui an ti hle tih an sawi a. Chief Minister Pu Lal Thanhawla leh Finance Minister Pu Lalsawta bakah School Education Minister Pu H. Rohluna te \hahnemngaihna leh inpekna chu ropui an tih thu leh an chhuan thu an sawi bawk. Congress \halai chuan RMSA leh SSA hnuaia thawktuten thla li chuang hlawh an lak theih loh chhan pawh Central lamah Project Approval Board \hut tlai vang a nih thu sawiin, tunhma chuan February thlaah te an \hu \hin a, kuminah erawh May thla lai hawl vel-ah an \hu chauh niin an sawi a, tun thlengin Mizoram Project Approval Board meeting minutes pawh a lo la chhuak lo niin an sawi bawk.
