Sonia Gandhi hian US President Donald Trump-a’n thil chi khat vanga Gujarat a tlawh \um khan cheng vbc 100 sen ral a ni a, Railways-in PM-care fund-ah cheng vbc 150 an chhung bawk tih a sawi a, sorkar hmalak dan a sawisel a ni.
Hetihlai hian thuneitute chuan sorkar-in fare za zela 85 a peksak tawh a, abak rel chuan man chu an intum tawh tur a ni tih a sawi. Sonia Gandhi chuan hmun danga khualehtui tangkhangte tan thlawhna chuan man a thlawna sorkarin a ngaihtuahsak theih laia, hnathawktu tangkhangte tana rel chuan man a laksak leh si hriatthiam har a tih thu a sawi a, kum 1947-a India a indan a\ang khan tuna hri leng vanga harsatna tawh hi India-in a la nei ngai lo a, hmun danga hnathawka inhlawha awm mi sang chuangte chu ke-in an khaw lam panin an haw a, eitur te, damdawi te, pawisa te, lirthei te an nei lova, an chhungte hnena haw chu an thlahlel vek a ni a ti.
Sonia Gandhi chuan sorkar laipui leh railways ministry chu mi tangkhangte \anpui tura \um tam tak Congress-in a ngenna ngaithla duh lovah a puh bawk a, hei vang hian Indian National Congress chuan Pradesh Congress Committee zawng zawngte rawnin, state danga tangkhang inhlawhfaa awm, rela haw tur te haw man tur a tum sak dawn a, thil \ul dang pawh a ngaihtuah sak bawk tih a puang a ni.
