Congress President Sonia Gandhi-in Citizenship Amendment Act dodalna kawnga eptu party hrang hrangte inhmuhkhawm a rawtah Trinamool Congress in tel a tum lo tih an hotu Mamata Banerjee-i’n a sawi.

West Bengal Chief Minister Mamata Banerjee hian Left party leh congress te chu politics game bawlhhlawh tak hman tumah puhin CAA leh NRC te chu amahin a do dawn tih a sawi a, an state chhunga politics an khelh dan enin, he thutlukna hi a siam tih a sawi.

Mamata Banerjee hian CPM leh Left Trade Union ten bandh an huaihawta Bus an ti chhia leh kawngpui an dang chu hrethiam lovin he thutlukna hi a siam a, CAA leh NRC te chu West Bengal ah hman ve a remti dawn lo tih a sawi nawn bawk.