Kar hmasa khan Congress chuan Rahul Gandhi hi UP-a Amethi bial bakah Wayanad-ah hian a din tur thu an lo puang tawh a, BJP party chuan Amethi biala chak a inrin loh vanga bial danga dingah puh mahse Rahul chuan South India chu PM Narendra Modi-a’n a ensan \hin avangin an tana ding tur a ni tih lantir nan a ding dawn tih a sawi thung. Wayanad hi bial la hnufual tak, Kerela tribal mi awm tamna a ni a, he bial-a vote nei zaa 18 chu tribal mi te an ni.
Rahul Gandhi hi a unaunu Priyanka Gandhi-in a \awiawm a, an roadshow huaihawtah Congress worker leh thlawptu tam tak an tel a ni. Wayanad-ah hian inthlan vote thlak hi April ni 23 khian neih a ni dawn a, he biala Rahul Gandhi bei turin NDA chuan Bharat Dharma Jana Sena party mi Thushar Vellapally a ruat a ni.
Congress party chuan an party ngaihdan leh thil tum ziahna Manifesto chu ram chhungah hmun 22-ah an tlangzarh bawk a, state headquaters-ah Party thupuangtute chuan an manifesto-a an thupui tlangpui hi an chhiar chhuak dawn a, mi nawlpui leh ram kilkhawr bera mite thleng phaka hnathawh chu an tum ber a ni tih an sawi a ni. He Manifesto hi Finance Minister hlui Chidambaram-a kaihhruiana hnuaia duan a ni a, hna thawh tur vang sutkian an tum dan te, lo neitu te harsatna sutkian leh hmeichhia te himna tur te chu an thupui ber a nih thu an a sawi.
