Pu Lalnghinglova hian vawiina hmar tlangdung khaw hrang hrang a fannaah thu sawiin, Politician nih chu a tum ngai lo nia sawiin, MLA inthlana ding tur pawhin MNF party pawhin an lo sawm tawh niin a sawi a, tuna MP candidate nih a duh tak chhan bulpui ber chu Citizenship Amendment Bill do a duh vang nia sawiin he dan hi awlsam taka ram dang Hindu ho India leh Mizoram khua leh tui an nih theihna tur a nih avangin do a ngai a ni a ti a, hmarchhak mipuiten nasa takin do mahse, BJP kaihhruai sorkarin pass ngei a tum thu BJP president Amit Shah-a’n tunhnai maiah a sawi leh avangin Mizoram aiawha Lok Sabha member chu BJP lam \ang a nih a rem lo a ni a ti a, an elpui MNF party chu BJP kaihhruai NDA thlawptute an ni a ti.
Pu Lalnghinglova Hmar chuan Mizo mipuite chu BJP kaihhruai ni lo central-a an sorkar theihna tura amah thlawp turin a sawm a ni.
