Vawiina Aizawl Press Club-a thuthar lakhawmtute an kawmnaah MPCC Media Department Secretary, Pu C. Lalhriatpuia chuan kumin January ni 24 khan Pu Robert Romawia Royte hian CM hnenah lehkha ziakin UD&PA hnuaia sum hman ban a\angin Zemabawk leh Khawzawl Football Ground siam nise tih a rawt a. Hei hi CM chuan pawmin, UD&PA Secretary chu he rawtna anga lo turin a hriattir a, hemi bawhzui hian UD&PA Department chuan March ni 29 khan he project pawmpuina leh sum hman phalna a tichhuak a, heng project pahnihte hi Rs. nuai 700 man hu ve ve a ni tih a sawi. Pu C. Lalhriatpuia chuan he ruahmanna hi \ha viau anga a lan laiin, heti taka Minister pakhat duhsak a ni hi Sorkar kalphung fel tawk loh zia pholangtu a ni a ti a, UD&PA chu Dy. CM Pu Tawnluia Department enkawl a ni a, a Department sum cheng vbch. 1 leh nuai 40 zet Minister dangin a hmanna tur an rel sak hi a mak hle a, Pu Tawnluia tan pawh a mualpho thlak hle a ni, a ti a, Zarkawta Mizo High School Field-a Football Field chhawng siam tur chungchangah pawh a changtu Dy. CM hming hi an lo tarlang duh tawh lo bawk tih a sawi.
Chief Minister-in a khawnpui a tih mai \hin Finance Department-a unitied fund dah khawm a\angin Sports Minister, Pu Robert Romawia Royte hian Budget session lai khan Rs. vbch. 11 zet a lo dawng tawh bawk tih sawiin, Pu C. Lalhriatpuia chuan, hei hian CM duhsak bik a nih zia a tilang chiang hle a ni, a ti a. Tuna Dy. CM Department enkawl a\anga Rs. vbch. 1 leh nuai 40 zet hman dan tur a rel felpui leh hian CM fachuam a nih zia a tarlang nawn a, CM leh Pu Robert Romawia Royte inkarah hian hnungthak inhiah sak tawnna a awm ngeiah MPCC chuan a ngai a ni a ti a, hetiang a nih zel dawn chuan Minister dangte enkawl Department-a sum hman ban awmte pawh CM nen inthurualin an hmansak duh zel ang tih a rinawm a ni, a ti.
MNF kaihhruai sorkar-ah Dy. CM chu Pu Tawnluia ni mah se, a Department chana sum hman dan tur rel saktu leh Minister dangte thal ve theih loh thal theitu Pu Robert Romawia Royte chu Dy. CM thuneihna kawltu a nih zawk hmel a, Pu Tawnluia chu a hming chauha Dy. CM nihna kawltuah MPCC chuan a ngai tih Pu C Lalhriatpuia hian a sawi a, hei hian MNF Party-ah senior zawkte leh vangvat kaite hlutna a tlakhniam tak zia a tarlang a ni a ti bawk.
