ZONET zawhna chhangin Congress party hruaitute chuan Tuichawng leh West Tuipui bialah hian harsatna nei lo mahsela, NGO Coordination Committee thutlukna lo siam tawh zah vangin tun thlengin an party candidate tur an la puang thei lo niin an sawi a, thil tih zel dan tur erawh chu politics boruak inlumlet zelin a la hril dawn niin an sawi a ni. Hetihlai hian Siaha leh Palak biala an party candidate tur te erawh chu hunreiloteah puan theih a ni dawn niin an sawi a ni.
Siaha District-a Assembly bial pahnih, Siaha leh Palak biala an candidate tur te chu Siaha District Congress Committee-in a ngaihtuah hnuah Mizoram Pradesh Congress Committee chinfel turin an kutah an dah a, Siahaa Congress hruaitute hnen a\anga ZONET thudawn danin Palak bialah hian Congress ticket-a din tum mi 8 an awm a, chungte chu Assembly Speaker ni lai, Pu Hiphei, Senior officer pension Pu K. Riachho, Pu IP Junior, Pu KT Rokho, Pu K. Chhuabei, Pu Laichho Notlia, Pu FC Zase leh Pu S. Khipo te an ni a, heng zing a\ang hian \ha an tih ber thlang chhuak turin MPCC Nomination Committee chu an ngen a ni. Palak biala Congress candidate tur thlannaah hian Autonomous District Council hruaitute chu thuneihna sang tak pek an ni thina, an ruat ang ang MPCC chuan pawmpui \hin mahsela tun \umah hi chuan he biala Candidate nih tum an tam avang leh inhruipawhna a awm avangin thutlukna tawp siam turin MPCC Nomination Committee chu ngen a ni ta a ni. He tih lai hian MADC-a MDC ni lai 6-in Pu K. Riachho an duh a, MDC 3-in Pu Hiphei an duh tih ziakin an party President, Pu Lal Thanhawla an hrilh a, a tam zawk duhdan pawm turin an ngen bawk a ni.
Hetihlai hian Siaha seat Congress candidate tur erawh chu Minister hlui, Siaha District Congress Committee President ni lai Pu S. Hiato a ni dawn nia thudawn a ni. Pu S. Hiato hi chuhpuitu langsar an awm lo nia thudawn a ni.
