MPCC Media Dept chuan thuchhuah siamin Pu R.Lalzirliana, MPCC Vice President ni \hin hnawhchhuah a nih chhan chu party inkaihhruaina kalha a chet vang a ni tih sawiin, chhan dang a awm lo a, a chhan dang ni awma a sawite chu chhuanlam mai a ni an ti a, Pu R Lalzirliana chuan MLA a nih zel theihna tur kawng zawngin Saitual District siam leh siam loh thu hmangin, mahni hmasial takin politics khel ta a ni an ti. Pu R. Lalzirliana chu Congress sorkara Minister a nih laiin department lian Home, Agriculture, Rural Development leh Power and Electricity te enkawltu a ni tih MPCC chuan sawiin, ama lal chhungkaw siam tumin, a chhung leh khat, hnaivai tam tak duhsakin contract hna a sem bakah sorkar hnaah a thun tih MPCC chuan an sawi bawk.
Pu Lalrinliana Sailo chungchang pawh sawifiahin MPCC Media Dept chuan ama chet dan hrang hrang leh a thusawi leh party hruaitute a sawi \hin dan avangin Congress party a\angin amah a inkiltawih ta niin an sawi a, ama duh thu ngeiin Congress a chhuahsan tih sawiin, a chet dan avang leh a bial ngaia tlingzo dawn tawh loa a inhriat vangin a bang niin an sawi.
Dr. B.D.Chakma chu Tuichawng Assembly Constituency-ah Congress candidate ni dawn lo va a inhriat avangin a lungawi lo niin MPCC Media Dept chuan an sawi a, candidate a nih theihna turin party dang a dawr a, BJP-ah candidate ni thei dawna a inhriat avangin Congress a\angin a bang ta niin an sawi a, mimal ham\hatna bak chhan dang a awm lo niin an sawi.
Heng hruaitu pathumten Congress an chhuahsan hnuah Congress party leh mipui te chu an phur thar hle niin MPCC Media Dept chuan a sawi.
