Vawiina Lunglei khawpui Street Campaign beihpui an thlaknaah thu sawiin, Pu PC Lalthanliana chuan, Sorkar laipuiah BJP in ro an rorel tirh a\angin sakhaw tih bik an neih avangin India ram hmun hrang hrangah buaina a awm nghal a, chumi do tur chuan pawl hrang hrang an \ang ho a, tun hmaa inngeih thei ngai lo pawh an inkuah khawm a, hetiang bawk hian Mizoramah pawh BJP leh an thurualpuite paihthlak an nih theih nan he thawh hona hi a lo piang ta a ni, a ti a. Lok Sabha Inthlan lo awm turah hian BJP leh an thurualpuite paih a, ram leh hnam a him theih nan mipui candidate, Pu Lalnghinglova Hmar vote vek turin mipuite a sawm a ni.
Pu PC Lalthanliana chuan, MNF dinna chu awmze nei lo a ni tih sawiin, NDA leh NEDA an zawm reng a, BJP nen an thawh ho loh thu an sawi chu thil awmze nei lo a ni, a ti a. He ti chung CAB an do thu an la sawi phei chu thil zahthlak tak a ni a, a aw chu Jakoba a ni a, a silhfen chu Esaua a ni tih ang chauh a ni a. An thusawiah CAB do mah se, a takah BJP an zawm tho avangin mipuiten an hnawl ngam a \ul a ni, a ti.
