He thu hi tukina Aizawl East I Constituency huamchhung Zemabawk Veng Bazara Congress Party Official Candidate Pu K. Vanlalrawna Campaign Office hawn leh Campaign beihpuithlak bul \anna neih a hmanpuinaah sawiin, Pu Zodintluanga chuan Aizawl East-I Constituency-a MNF MLA Candidate tur Pu Zoramthanga chu amah leh an party hi Zoram mipui hnawl tawh hnu niin sawi a, Pu Zoramthanga chu Champhai bial pahnihah mipuiin an hnawl tawh a, chumi hnuah Khawbung bial, tuna East Tuipui tia hriatah an hnawl leh a, a pian leh murna mipuiin an hnawl an hnawl tawh hnu hi Aizawl East-I bialah mipuiin an lo chawisan nachhan tur a awm lova, kum 10 an sorkar chhunga an thiltihte mipuiin an la hre reng niin a sawi bawk. Pu Zodintluanga chuan Congress chu sorkar leh turin a inpuahchah a, Candidate puan a\angin boruak a alh chho mek niin a sawi.
He inkhawmah hian Aizawl East I-a an party candidate Pu K. Vanlalrawna pawh in thu a sawi a, Pathian leh Aizawl East I mipuite zarah hnehna a chan chuan mipuite hmasawnna atan a theihna zawng zawng hman a tum thu a sawi a ni. Inkhawm hi Aizawl East I Congress Block President, Pu K. Lalthangpuia’n a kaihruai a ni.
