Hemi chungchang hi MPCC Media Chairman, Pu Lallianchhunga’n Aizawl Press Club-ah thuthar thehdarhtute vawiin khan a hrilh a, Pu Lallianchhunga chuan, Aizawl West I bial MLA Pu K. Sang\huama Local Development Fund hman dan chu RTI hmangin an dil chhuak niin a sawi a, heta hnathawhna tur sum inziak leh a hnathawh inmil lo tam tak a awm a, hnathawh anga inziak a tak hmuh tur awm si lo te, Sairang Field thar laihna atana Sairang Games & Sports Association hnena cheng nuai 5 pe tura hrilh siin cheng nuai 4 chauh pek nia sawiin hetihlai hian Bill-ah chuan cheng nuai 20 hmang ral angin a inziak leh si niin a sawi a, a bang cheng nuai 16 chu khawiah nge a awm tih chu an zawhna a ni tih a sawi.
Pu Lallianchhunga chuan, Tanhril MUP hmangin cheng nuai 25 leh sing 5 man thawk anga inziak siin MUP te hnenah hnathawhna tur sum Rs. 25,000/- chauh pek a ni leh thung si tih sawiin a bak zawng khawiah nge a awm tih a zawt bawk a, Tuivamit Tennis Club hminga cheng nuai 11 man hnathawh anga inziak pawh seal lem hmanga sum lak chhuah nia sawiin Tanhrila AICS Transformer bula lungrem sa chu MLA fund hmanga thawh angin an sawi nia sawiin AICS Jr School bula kawng Cement Concrete anga an sawi pawh he School pawisa hmanga thawh vek niin a sawi a, MLA fund hmanga hnathawh nia an sawi \henkhat pawh AMC a\anga thawhtawh te niin a sawi a ni. Luangmuala hna hrang hrang cheng nuai 3 man thawh anga RTI lang si, a tak hmuh tur a awm lo niin a sawi. Pu Lallianchhunga chuan, Sakawrtuichhuna UPC Mizoram Biak In bula tuiluankawr cheng sing 2-a siam anga sawi pawh Kohhran hnatlanga thawh a nih thu leh he hna tana Agency Sakawrtuichhun Local Council-ten Cement bag 2 chiah hnatlangah hian an thawh nia sawiin MLA Fund cheng nuai 1 hmanga thawk anga an in sawi pawh AMC a\anga an thawh a nih thu te, Sairang Dinthar venga hnathawh \henkhat zingah Rs. 4,59,600 man chu hnathawh nan leh Silpaulin leina atan a inziak nia sawiin an hriatpui loh thu a sawi a, Phunchawnga Mi rethei Inhlawh Pawl hnena cheng sing 3 pe anga an sawi pawh he vengah hian Mirethei inhlawh pawl an awm loh thu leh Self Help Group pakhat Maria Group hminga cheng sing 8 man hna pe anga tarlan pawh he pawl hian an hriatpui lo niin a sawi bawk. Pu Lallianchhunga chuan, Aizawl West I MLA Pu K. Sang\huama’n a fund hmanga hnathawhna tura pawl hming phuahchawp leh hnathawh hmuh tur awm lo a tam hle tih sawiin MLA fund a pek a\angin a chanve chu a sum faiin a la let fo bawk niin a sawi.
Pu Lallianchhunga chuan MNF Legal Board-in tunhnaia Mizoram sorkarin Lokayukta dinna tur cheng nuai 478 leh sing 2 Law Minister, Pu Lalsawta’n a fanghma no ei anga an puhna chu chhangin The Mizoram lokayukta Act chu kum 2014 khan Assembly-ah pass a nih thu leh tihpuitlin tumin kum 2016-17 khan Budget-ah cheng nuai 159.34 dah a nih thu a sawi a, mahse hman a nih tak loh avangin sorkarah pek let leh niin a sawi a, kum 2017-18-ah he sum hi Budget-ah dah leh a nih thu sawiin hetah pawh hian hman a nih loh avangin dah let leh niin a sawi a, sorkar kum kal mekah dah leh a nih hnuah tihpuitlin hman beiseiin pisa luah tur cheina leh a chhung bungrua lei nan hman niin a sawi a, sum bo cheng khat pawh a awm lo niin a sawi. Pu Lallianchhunga chuan Law & Judicial Department-a thawktu Bill Assistant pakhatin cheng nuai 143 a lo tihchingpen chungchang pawh Department thuneihtuten an hriat veleh an chhuizui nghal niin a sawi a, Law & Judicial Department ngen angin Finance Deptt.in Special Audit an neih hnuah ACB-ah FIR thehluh a ni a, hei hi chhuizui mek a ni a, chinfel thuai an beisei thu a sawi bawk. Pu Lalianchhunga chuan tunhnaia India Today-in State hrang hrang hmasawn dan a tehnaah Mizoram chu Environment leh inclusive Development-ah a ti \ha berah an thlang niin a sawi a, Economy leh Entrepreneurship Category leh dan kenkawhna lamah hmasawn chak zingah a tel niin a sawi bawk.
