Puan tawh angin, chanchinbumi Gauri Lankesh-i kha BJP leh RSS rilru sukthlek dodal vanga thah nia Rahul Gandhi-a’n a sawi avangin a lakah hian thubuai thehluh a ni a, dik lohna a neih loh thu a puan hnu hian Court chuan cheng 1,5000 bail-in chhuah lailawk a ni. Chanchinbumite nen an inkawmnaah Rahul Gandhi chuan beih tawktu zawk a nih thu leh, an inbeihna chu nuam a tih thu a sawi a, rilru sukthlek chungchanga inbeihna a nih thu te leh, loneitu leh mi chanhai zawkte lam\ang a nih thu uar takin a sawi a ni. Ni hnih lek kalta khan Rahul Gandhi hian PM Narendra Modi bakah RSS leh an thunun pawl hrang hrangte chu mimal tak pawha beih a hreh loh thu leh ram a hmangaih vanga bei a nih thu a sawi a, a chang chuan mal deuha a inhriat ve \hin thu te leh a ngaihtuah let chuan a inchhuan zawk thute pawh a sawi a, thunei nih chakna an paihthlak phawt loh chuan an bitumte chu hneh mai theih an nih loh thu te pawh a lo sawi tawh a ni. Rahul Gandhi-a thubuai hi RSS ukil, Dhrutiman Joshi-a thehluh a ni a, kum 2017 September thlaa Gauri Lankesh-i kahhlum a nih hnu lawkah khan Rahul Gandhi hian BJP leh RSS kalphung sawisela dodal \hinte chu nasa taka beih an nih \hin thu leh thah hial pawh an nih theih thu sawiah a puh a ni. Rahul Gandhi hian Thane-ah pawh intihmualphona thubuai dang a nei mek a, hei pawh hi RSS hnathawkin a thehluh tho a ni a, Patna, Surat leh Ahmedabad-ah te pawh intihmualphona thubuai tun thla chhunga ngaihtuah tur a la hmabak bawk a ni.
Chanchin Thar Congress hruaitu, Rahul Gandhi chu vawiin khan a laka RSS mi leh...
