Rahul Gandhi hian inkharkhip chauh chu hri leng do hneh nan a tawk zo lo va, inkai darh zel tur venna chauh a ni a ti a, a do letna tak tak chu hri leng kai leh kai lo chak zawka enfiah a ni a ti a, sorkar chu test runpui nei turin thurawn a pe tih a sawi.
Ram chhungah tun dinhmuna coronavirus vanga thi chu mi 414 an tling tawh a, darkar 24 chhungin mi 37 an thi hman a ni. Vawiin thleng khan mi 12,380 an kai tawh a, sorkar laipui chuan district 170 chu hri inkaidarhna hmunpuiah puangin chung zinga hmun 6 chu khawpui chhunga mi a ni.
Sorkar laipuiin inkaidarh tamna hmun a puan zinga district 123-ah chuan nasa takin hri leng hi a \aidarh a, chung zinga dsitrict 9 chu Delhi chhung ami a ni. Mumbai, Kolkata, Bengaluru, Hyderabad, Chennai, Jaipur leh Agra te pawh inkaidarh tamna hmunah telh a ni.
