Lai Autonomous District Council-a Congress member 4-ten Congress legislature party chhuahsan-a MNF member 8 leh independent member pakhat te nen sorkarna siam tuma hma an lak mekna karah Lawngtlai West bialtu, Congress MLA, Pu C. Ngunlianchunga hian he thu hi a sawi a, ram rorelna Pathianin a pek chu Musical Chair ang maia in\hut kual chhawk a lo ni tawh \hin a, kum 2009 a\anga mumal leh ngelnghet taka LADC sorkar kal chho chu tun dinhmunah High Court-a inkhin hial ngaiin a awm leh ta a ni a ti a, ram rorelna chawk buaitute chu Politics-a an chawrchhuah phal tawh lo turin mipuite a sawm tih a sawi.
Pu Nunglianchunga hian Congress legislature party chhuahsantu MDC pali leh MNF member ten an din United Legislature Party hruaitu tur Pu V. Zirsanga chu CEM Pu VL Hmuaka hunlaia paihthlak tumtu a lo ni tawh nia sawiin, tunah hian CEM nilai Pu T. Zakunga paih tuma hmalaknaah a hnarkaitu ah a \ang leh a ni a ti bawk.
LADC CEM, Pu T. Zakunga pawhin LADC buaina chungchanga sorkar paihthlak tumna awm mekah Lai Autonomous District Council ten inrelbawlna hran CCB Rules an neih bawhchhiat a nih avangin Mizoram Governor leh High Court-ah an zualko mek tih a sawi a, sorkarna siam thei khawpin member an la ngah tawk nia sawiin, MDC ruat seat luahtuten House-ah Vote an nei thei lo ang tia sawi awm chu thu dik lo a ni a ti a, hei hi CCB rules leh Sixth Scheduled-ah a inziak lova, Gauhati High Court rorel angin vote an nei thei niin a sawi.
Pu T. Zakunga chuan MNF chu State-a an sorkar apianga District Council chawhbuai ringawt tumah a puh bawk.
