Ni 15 chhung zet CBI te kuta lo awm tawh, P Chidambaram-a’n INX Media thubuaia anticipatory bail a dilna ngaihtuahtu Supreme Court chuan sum leh pai kaihhnawih thubuai, Economic offence ang chiah te chuan anticipatory bail pek zung zung a remchang lo tih a sawi a, P Chidambaram-a thubuai chu anticipatory bail pekna tur chi a ni lo tih a sawi.
Court chuan sum tih chingpenna a awm nia sawi chhuichiangtute chu zalen taka an hna an thawh theihna tura remchang siamsak tur an ni a ti a, tuna anticipatory bail pek chu thil chhuilai ti khaihlak thei a ni a ti.
Enforcement Directorate hian P Chidambaram-a hi an man nghal a, Tughlaq Road police station ah hruai a ni ang a, Enforcement Directorate hian thu zawhfiah tura an kawl a nih loh chuan Tihar Jail-ah dahluh a ni ang.
Hetihlai hian thubuai dang, Aircel-Maxis chungchangah erawh P Chidambaram-a hi anticipatory bail pek a ni thung a, he thubuai hi kum 2006-a ramdang a\anga sum hmuh dollar maktaduai 800 hu thubuai a ni a, he thilah hian hlawkna telah P Chidambarama hi puh a ni bawk.
