MNF \halai te hian nikum April thlaa Congress \halaiin CM Office leh Lok Ayukta-a lehkha an thehluh chu Lok Ayukta-in ACB chhui turin a pe tih an sawi a, Chief Minister enkawl Vigilance Committee pawhin ACB hnenah May ni 16 khan lehkha an kaltir nghal bawk a ni an ti a, a hnu rei lo teah ACB hian chhui zovin Krismas hma khan Lok Ayukta-ah report an thehlut diam tawh a ni an ti.
Hetihlai hian Lok Ayukta hian hriat belh duh an neih avangin ACB hian report buatsaih lehin, Krismas-in a nan zui avangin Lok Ayukta-ah thehluh hman a ni ta lo chauh zawk a ni an ti a, report kimchang tak thehlut turin an inbuatsaih mek a ni an ti. MNYF chuan, Congress \halai chuan thuchhuah an siam hmaain thudik zawng hmasa tawh se an duh tih an sawi a, thuneihna an chan lai angin MNF sorkarin ACB a kalpui lo va, Congress-in ACB kut a phuar chu MNF-in a phelhsak zawk a ni an ti.
