Vawiina Aizawl Press Club-a thuthar lakhawmtute an kawmnaah Congress \halai hruaitute chuan, sorkar thupek anga Blood Bank a\anga thisen lachhuak tura Health and Medical Education Director phalna lak hmasak a ngai a nih chuan HME Director pisa chu ni khatah darkar 24 chhung hawn ni se tih an rawt a. Hetiang thutlukna siam a ngai ta mai hi Sorkar-in Health Care chhe mi a duan vanga Health Care Scheme zawm duh lo Private Hospital leh Kohhran enkawl damdawi in hrem tumna a ni thei em tih chu an zawhna a nih thu leh tun dinhmunah sorkar damdawi in ringawt chu damlote mamawh phuhru khawp a nih loh bakah khum dah belh tur nia sawi pawh khum dah belh thawm sawi tur a awm si loh avangin mipuiten harsatna nasa zawk an tawh loh nan Private leh Kohhran damdawi in-te nena an inkar chu chingfel vat turin sorkar an phut tih an sawi. MPYCC chuan, Chief Minister, Pu Zoramthanga kaihhruai MNF sorkar hian Health Minister, Dr. R. Lalthangliana hi Health Department enkawl tura a ring zo lo a nih chuan an rin ngam dah mai se tih chu an duh dan a nih thu an sawi a, hetiang harsatna a thlen mek lai hian Chief Minister, Pu Zoramthanga chu mipuite tan harsatna siam khawp leh Traffic ti Jam khawpa Badminton khel mai mai lova heng harsatna hi sukiang hmasa tura an duh thu an sawi. Zawhna chhangin MPYCC hruaitute chuan, Sorkar-in Blood Bank a\anga thisen lakchhuah dan tur thupek thar a siam hnuah Private damdawi in pakhatin thisen lakchhuah an dilna hnawl sak an ni tawh tih an sawi a, damlo engemawzat sorkar damdawi ina an len loh vanga harsatna tawk an awm tawh niin an sawi bawk.
